The level of water drop but remains the warning of floods

The day after the flood, views form the houses flooded fromthe river Gjader, municipality Dajc. In the municipality came again teh minister of agriculture Edmond Panariti.
The situation of the other zones of under-Shkoder.

Edhe pse ka rënie të niveli të ujit, në Lezhë situata vijon të mbetet problematike në shumë zona ndërsa nën ujë janë ende rreth 2700 hektarë tokë. Tërheqja e ujit ka nxjerrë në pah dëme të konsiderueshme. Në Dajç dhe në zonën e ish-kampit të të burgosurve në Torovicë situata paraqitet më e rëndë, ndërsa në terren ishte sot paradite ministri i Bujqësisë, Edmond Panariti. Ai kërkoi bashkëpunimin e të gjithë banorëve me pushtetin vendor dhe Bordin e Kullimit. Panariti paralajmëroi se reshjet do të jenë prezente edhe në ditët në vijim dhe në tilla kushte banorët duhet të marrin masa, qoftë edhe për të siguruar gjënë e gjallë apo dhe objekte të tjera, pasi përmbytjet mund të rikthehen edhe më fuqishëm. Nga ana tjetër banorët flasin për një situatë të cilën në Zadrimë nuk e kishin parë prej vitesh, dhe se dalja e lumit Gjadër nga shtrati është një rast i rrallë, por i mjaftueshëm për të treguar mbi rrezikun që paraqet. Kreu i komunës në Dajç, Gjergj Doci thotë se rreth 50 banesa janë me demë të mëdha, ndërsa kulturat bujqësore janë dëmtuar në pjesën me të madhe të zonës. Në komunën e Balldrenit vërehet një rënie e nivelit të ujit e megjithatë fusha e Torovicës është nën ujë. Ndërkohë, përmirësim të ndjeshëm ka situata e përmbytjeve në Shkodër, ku uji ka çliruar disa qindra hektarë tokë dhe shumë banesa.

Pubblication date: 23/01/2014
Read news: Vizion Plus