The fields of Lezhe under water

Near Shkoder city, in the neighborhood Marklulaj, there are some houses flooded. Interviews with the habitants and views of the flooded houses.

Fadromat e Bordit të Kullimit në Lezhë kanë nisur punën në terren për të minimizuar rrezikun e përmbytjeve dhe dëmeve, të shkaktuara nga përmbytjet e këtyre ditëve, por puna e tyre po pengohet nga reshjet që vijojnë pa ndërprerë. Banorët në Kakarriq që jetojnë mes vështirësive në këtë situatë bëjnë apel për ndihmë. Krahasuar me një ditë më pare, vërehet një rënie e nivelit të ujit, ndërsa 2500 hektarë janë ende të përmbytura. Zadrima vijon të mbetet ende problem bashkë me Komunën e Balldrenit. Nga ana tjetër drejtori i Bordit të Kullimit, Petrit Gjoni, pasi inspektoi punën për hapjen e kanaleve në Dajç tha se, koha e keqe po pengon vijimësinë normale të punës. Krahas Dajçit, fadromat e Bordit të Kullimit po punojnë edhe në fshatin Kakarriq të Komunës Balldre. Kryekomunari Zef Doçi tha se, në kënetën e Kakarrqit demët janë të konsiderueshme, ndërsa zona pranë ish-kampit dhe qindra hektarë tokë janë të përmbytura në Torovicë. Në zonat malore të qarkut të Lezhës nuk raportohet të ketë probleme madhore me përmbytjet, edhe pse në disa zona ka pasur shkarje dherash. Rasti më problematik ishte ai i dy familjeve në Mirditë, të cilat u evakuuan pasi kërcënoheshin nga prurjet e lumit Mat.

Pubblication date: 24/01/2014
Read news: Vizion Plus